Contar é un oficio que todos temos.

Levo recollendo contos e historias inconscientemente toda a vida, coma calquera. Pero desde hai anos veñoas recollendo e reacomodándomas, coa intención de  contalas de cara a distintos públicos.

Empecei por casualidade e oportunidade. Continúo porque é unha actividade de amor, sentido e paixón: pola lingua, pola oralidade, pola comunicación, por pensar que non se perda un verdadeiro tesouro de historias e contos, e ilo por aí mostrando e ofrecendo coa boca aberta e coa boca chea, falando ademais bencísimo del, que é coma falar dunha das nosas posibilidades de relación e cultura máis ricas e admirables.  

"Temos o que queiramos, somos a envexa, estamos no punto de mira do resto do mundo, quérennos coñecer... e é que os galegos somos como somos .... porque...porque nos peta"

Xénero: Contacontos

Público ó que vai dirixido: Adultos

Intérpretes: Josito Porto

A vida cotiá pode ser unha trampa mortal… dende pequenos temos que enfrontarnos a un montón de normas confusas e directrices ambiguas. O cine, a música, a relixión, as relacións coa parella… temas cheos de mensaxes subliminais susceptibles de dobres interpretacións, o segredo da supervivencia está en botarlle un pouco de humor á cousa, ou neste caso…moito conto!

Xénero: Contacontos

Público ao que vai dirixido: adultos

Intérprete: Marta Lado

Sinopse

Esta obra pretende crear a través de diferentes linguaxes escénicas (a danza, a maxia, a música e a videocreación) un contexto fantástico e misterioso no que se recollan as principais simboloxías da maxia en Galicia; tocando ademais, como trasfondo, temas sociais como a categorización da muller ou, especialmente, a dualidade do ser humano (todos temos fantasmas e presenzas que nos molestan, os nosos pensamentos ou a nosa situación).

Habelas, é unha obra multidisciplinar na escena e na concepción. O eixe da creación parte da reflexión en torno aos puntos en común que se poden encontrar entre a maxia e a danza.

Xénero: Danza

Público ao que vai dirixido: Adulto

Intérpretes: Marta Alonso e Begoña Cuquejo

Dirección: Begoña Cuquejo